Yrausquin, dealer di auto y compania di famia pa mas cu 66 aña na Aruba, recientemente a ricibi den nan showroom 48 mucha di 4 te cu 12 aña di edad, nomina como finalista di e competencia di pintamento “Yrausquin Carnaval Super Car”.

Aruba su Carnaval 65 combina cu e fantasia di e muchanan tabata parti di e inspiracion pa e muchanan crea nan mesun super car. Un panel di hurado profesional y diversifica, como tambe e 2 yiu muhernan di e director Ruben Yrausquin, un 8 y e otro12 aña di edad, tabatin un tarea grandi y dificil pa por selecta e finalistanan for di 433 pintura. E huradonan a keda hopi impresiona cu e fantasia y creacion di cada mucha su pintura.

Pa selecciona e 48 finalistanan, a basa e puntonan riba creatividad, originalidad y uso di material, mientras cu originalidad a conta dobel. Tambe a tuma den consideracion e edad di cada mucha. Separa di e criterianan aki tabatin cierto reglanan pa cumpli cu nan. Un di e reglanan tabata, pa gana e muchanan y nan mayor(nan) of voogd mester ta presente na e evento di e finalistanan di e competencia di pintamento. Momento ta anuncia e ganadornan y e mucha no ta presente pa ricibi su premio, e hurado lo eligi e finalista cu e punto mas halto cu ta sigui.

Yrausquin, dealer oficial di e marcanan renombra Mercedes-Benz, Mitsubishi, Ford y Lincoln cu su mesun inhouse Body Shop, Quick Lane ®, departamento di piesa y servicio, ta felicita tur e finalistanan y en particular e 20 ganadornan, y tambe gradici tur mucha cu a participa y a haci nan best pa crea nan “Carnival Super Car”. Ademas gerente di Yrausquin kier gradici tur hurado pa nan tempo, profesionalismo y dedicacion pa selecta e ganadornan.

Pa keda altanto di tur promocion y ofertanan di Yrausquin, bishita nan website www.yrausquin.com of sigui nan riba Facebook na www.facebook.com/yrausquinaruba of Instagram @yrausquinaruba. Ademas por pasa libremente na Yrausquin situa na L.G. Smith Boulevard 112 of jama na 524 4444 pa mas informacion.

LEAVE A REPLY

Please enter your comment!
Please enter your name here