Demis a nace na Hulanda 26 di januari na aña 1981. No mucho tempo despues nan a bin biba na Aruba y net cu el a cuminsa bay scol basico na Aruba, nan a bolbe bay biba na Hulanda. E aventura aki a sosode algun biaha, pues e tabata muda regularmente entre Aruba cu Hulanda.
Como mucha, Demis a bishita diferente scol, experenciando asina cada biaha un otro sistema. Esaki a contribui na su preparacion inconscientemente, dia ta e persona cu e ta awe, como profesional, pero tambe den su bida personal.
Terminando su carera escolar na Colegio Arubano, el a haci un ‘beroepskeuze test’. For di e test aki a sali afo cu su tin afinidad, pa cu e aspectonan relata cu husticia y ley. Finalisando su VWO el a contempla pa bira inspector di polis. El a hasta papia den e tempo ey cu comisario Van der Straten. Sinembargo, e oportunidad ey no a presenta pa su persona. Cu e por corda y cu e por a compronde, basta hende a wordo manda e tempo ey Appeldoorn pa Academia Policial. El a scoge e ora pa studia ley. Como cu e no kier a keda Aruba, el a bay Hulanda pa sigui cu mi estudio. Den transcurso di su estudio el a conoce varios abogado cu e ta considera como su rol model di inspiracion. Door di wak otro y copia e cosnan bon, uno por logra un estilo unico y na e forma corecto. Pues na caminda Demis a crea un propio estilo di pleita, uzando e puntonan fuerte di cada inspiracion. E caso di IBIS sigur ta uno cu a habri su wowonan pa y di cual el a gana hopi mas experencia. Ta di e forma aki crecemento profesional ta tuma luga. Lesa e interesante entrevista cu Demis Illes den edicion di FOCUS di e luna aki. Busca bo revista!
