Awendia nos ta observa, cu e hobennan (16-24), conoci como e generacion di ‘ninis’, cada biaha ta mas floho y ora nos papia di flohera, nos ta referi cu ya nan no ta gusta yuda den nada, ni sikiera den e tareanan di cas di mas simpel di hogar, manera tira sushi afo, ruim op nan camber, laba nan tayo, etc. Hopi mama awendia ta keha, cu nan yiunan ta asina y ta busca manera di pone nan cambia por lo menos un poco. Ya cu pa tin un of mas inutil den cas, no ta algo bon. Ora uno ta hoben, mester probecha e bida y logra independisacion y stabilidad.
Nos ta haciendo suficiente pa coregi nan? Den mayoria caso, ora cu bisa nan algo, esaki ta termina den discusion. E sociedad ta preocupa, sinembargo ta bastante importante pa pone enfasis den ken ta e culpabelnan principal di tal desaster. Hopi hoben ta bandona scol y no esey so, sino cu nan ta pasa di fiesta pa fiesta, unda hopi biaha ta termina den consumo di droga, alcohol of den pio situacion, unda e hoben ta resulta na estado despues.
Ta dificil y casi imposibel pa awendia papia cu nan tocante bon custumber, moralidad, no tin ken pa orienta nan den ideologia y si tin persona asina cu kier yuda nan, e hoben mes no ta permiti p’e ricibi ayudo, ya cu nan ta kere cu nan sa tur cos.
Pues si bo tin yiu chikito, educa nan y pone nan for di chikito ta responsabel den hogar y pa nan mes. Laga nan wak y sinti, cu nada no ta gratis den bida. No cambia falta di tempo, pa algo material. Nunca lubida di inculca e balor-, responsabilidad- y virtudnan, cu den futuro lo haci nan un bon persona. Na final, abo como mayor ta esun responsabel pa nan educacion.
