Un muhe inolvidabel ta un hende cu realmente sa con pa marca bida di otro hende cu e conoce. Y esaki ta netamente e tipo di muhe cu abo mester aspira pa ta. E ta esun cu e hombernan djis no por tin suficiente y pone e hendenan bay cu su pensamento, na un manera natural. No tin un manual ni un receta secreto. Pero aki tin algun herment cu por yuda bo ta riba e caminda corecto.
1. Nan tin un chispa natural di bida.
Door cu tin tanto hende cinico y negativo awendia, p’esey semper ta refrescante y memorabel pa topa un hende cu tin un sinfin di optimismo y positivismo den bida.
2. Nan ta establece e conexionnan significativo.
Conecta realmente cu nan y no djis tin interaccion.
3. Nan ta realmente amabel y cariñoso.
Un acto sincero di amabilidad, por bay leu den crea un impacto riba otro su bida. Nunca bo sa ki tipo di lucha otro hende por tin.
4. Nan ta pasiona cu algo.
Ora un persona ta indispensabelmente pasiona cu algo, e ta bira hopi dificil pa lubida. Pasion semper ta un di e caracteristicanan di mas atractivo cu un persona por tin.
5. Nan semper ta demostra persistencia y resiliencia.
E lo demostra otro cu e no ta rindi liher y ta sigui su soño- of metanan.
