E dukenan di Sussex a dicidi pa mantene e detayenan di e nacemento di nan prome yiu priva y no lo haci e tradicional potret cu e baby na salida di hospital. E dukenan ta spera di comparti e emocionante noticia cu tur hende despues cu nan tabatin e oportunidad di celebra den priva como famia. 

Meghan ta sigui e pasonan di reina Isabel II y ta duna luz na su residencia recien estrena,  Frogmore Cottage na Windsor. Desde un inicio Meghan Markle tabata sa cu e kier su yiu nace na cas y el a prepara pa esaki, segun un amiga di e ex-actriz a comenta na un medio. Meghan semper a practica yoga pero for di nuebe luna pasa, el a enfoca mucho mas y hasta a haya sa, cu el a contrata un ‘doula’ pa asisti’e durante e parto. Kico ta un ‘doula’? Esaki ta un muher cu ta encarga pa asisti emocionalmente e mama durante parto. E no ta interveni den e proceso medico, no ta manda tratamento ni recomenda terapia, unicamente ta keda hunto cu e mama, prome, durante y despues di e parto na nivel emocional.  E ta prepara e tata y famia si e mama ta desea esaki, pa splica nan con pa actua y apoye.

Aunke desde un inicio Meghan a descarta e posibilidad di duna luz den St. Mary Hospital Lindo Wing manera Kate Middleton cu su tres embarasonan. Den caso cu tin cualkier complicacion, mirando cu Meghan ya tin 37 aña y semper e riesgo ta poco mas grandi, no ta descarta cu ultimo momento e ta bay un hospital cerca di su residencia. Loke definitivamente el a bisa “no” ta pa para na trapi di hospital apenas cu el a haya permiso pa sali di e hospital. E baby di prins Harry y Meghan por nace na cualkier momento y hopi speculacion ta reina cu e weekend aki e baby real lo nace.  Ta hopi probabel cu nos lo conoce e baby Sussex pa medio di un potret publica riba e cuenta di Instagram recien estrena di e mayornan, cu sigur lo kibra e record mundial di likes.

Finalmente despues di e nacimento tan spera di e primogenito di e Duke & Duchess of Sussex, Meghan lo tuma 6 luna di ‘maternity leave’ contrario na Kate despues su embarasonan tabata bek despues di 3 luna cu su agenda di actividad. E ex-actiz lo ta bek cumpliendo su compromisonan na october cu e Cumbre Mundial di hobennan.  

LEAVE A REPLY

Please enter your comment!
Please enter your name here