Sorprendi?!
Pa hopi a segura nan cu awa friu ta beneficio pa salud y awa cayente no ta hopi recomendabel. Pero tin un descubrimento nobo cu por inverti dicho afirmacion.
E investigadornan di Universidad di Loughborough, Reino Uni, a afirma cu baña cu awa cayente ta kima mesun caloria (140 promedio) cu core, ambos actividad durante 30 minuut.
Ademas, Steve Faulkner, ken a lidera e investigacion aki, a sigura cu un ducha cu awa cayente tambe ta yuda preveni diabetes tipo 2, pues ta regula e nivelnan di sucu den sanger; pues ta mantene e presion arterial bou control y ta mehora e sistema inmune. Baña cu awa cayente, combina cu ehercicio regular y dieta balansa, por comberti den un bon mediador pa mantene nos mes den forma y saludabel.
