Rotaract Club of Aruba ta presenta YOU Inc. Seminar 2019, cu ta celebrando su prome lustro. E meta di YOU Inc. Seminar ta aliña cu Rotaract Club of Aruba su meta pa promove desaroyo profesional y personal di e comunidad di Aruba. Riba e dia aki nan lo kier duna e participantenan di e seminario “tips and tricks” pa por uza como tools den nan profesion y bida personal.
E topiconan cu a selecta e aña aki ta basa riba e retonan cu nos ta wak den e arena profesional riba nos isla. Door di e evaluacion aki a dicidi di busca oradornan cu por elabora extensivamente riba e temanan aki, cu nan trayectoria y experiencia. E aña aki e tema di e seminario ta “Navigating Success”, navegando exito. E topiconan cu lo trece dilanti ta: “Leadership Vitality”, “Performing under pressure”, “Science of Emotional Intelligence” y “Change”, specialmente con pa enfrenta cambio den bo area laboral y cu cambio tin un impacto manehabel via bo empleado- y of coleganan, enbes cu esaki tin di haber cu tecnologia.
E orador internacional invita pa e seminario aki ta Sara J. Ross. E lo duna ‘keynote speeches’ over di e topiconan aki. Sara Ross ta formalmente e Vice-President y lider global di innovacion y sondeo na e instituto pa salubridad I, e potencial humano (IHHP). Sara tin un Master of Science (MSc.) Graduate Degree, ta un amante di koffie y un “meditation rookie”. E ta conoci pa ta un keynote speaker, vitality strategist y leadership coach.
E prome panelista, cu ta di nos hermana isla Curaçao, ta Earl W. Balborda. E ta Co-fundador y CEO di Eunoia Institute. E ta certifica como senior professional in human resources management (SPHR) by the Human Resource Certification institute. Earl lo elabora/discuti tocante di e topico di inteligencia emocional.
Di dos panelista, ta orador local den persona di Jo-Anne Arends. E ta Air Service Development Manager na Queen Beatrix International Airport for di aña 2011. Jo-Anne lo intercambia pensamento riba ‘change management’, innovacion y ‘performing under pressure’.
E di tres y ultimo panelista cu tambe ta un local den persona di Christel Croes. E ta e Training Manager na SETAR N.V. Aruba desde februari 2004. Christel lo duna informacion crucial pa companianan y ‘young professionals’ con pa focus riba e innovacion humano.
E moderador di e panelistanan ta Kareline van der Linden. E ta un Business Strategy Researcher trahando den e area di turismo. Na aña 2015 Kareline a cuminsa cu e YOU Inc. seminar y recien a lansa hunto cu Darice Solognier e podcast show radial Career IQ.
YOU Inc. Seminar 2019 lo tuma lugar dia 25 di mei den Hyatt Regency Resort & Casino ballroom for di 9or di mainta pa 2or y mei di merdia. Registracion ta cuminsa 8or y mei di mainta. Lunch ta inclui. Rotaract Club of Aruba kier a encurashabo pa inverti den bo mes, y bin amplia bo conocemento y tin un diasabra diferente cu usual, cu lo agrega balor na bo desaroyo.
