E tema pa Tiffany su celebracion di 15 aña, ta e mes a scoge “Tiffany & Co.” cu ta su nomber y tambe door cu e gusta e color tiffany mint blue, y tur loke cu tin di haber cu e tema aki, manera e accesorionan, specialmente perla. E quinceañera a luci den su shimis manera un princesa real y el a encanta e creacion aki desde cu el a wak e online. E bunitesa natural di Tiffany a haya e toke magico cu e bunita makiyahe realisa pa Grency V. y Casia Altamar, mientras su cabey a keda na encargo di Elite Beauty Center Aruba.
Cu tur e detayenan elabora cu elegancia den un ambiente hopi festivo y alegre, sigur esaki tabata e momento mas special, ora cu cu Tiffany a baila e wals cu su tata, Andin Bikker.
Tiffany a celebra su 15 aña cu su famia- y amigonan mas cercano. E tabata un anochi inolvidabel cu hopi ambiente y bailamento danki na DJ Silvano. Den edicion di FOCUS pa e luna di mei tin un bunita cobertura di e fiesta di Tiffany Bikker.
