Diasabra awor ta tuma lugar den Cas di Cultura e gran final di Turismo Mundial 2019. Awe mainta e candidatanan di Teen, Miss y Sra Turismo 2019 a bishita Bibito Pin. Hunto cu e delegacion internacional nan a haya un amplio splicacion di e trabou na e instancia aki. Nan a haya tambe un rondleiding y despues nan por a interactua cu e alumnonan di e scol special aki.
Un mainta hopi emocional y special unda lagrima no a falta. Na final e reinanan a laga e regalonan atras pa e muchanan, cu a keda masha contento cu e bishita. E di cuater edicion di Turismo Mundial ta cuminsa pa 8or di anochi y entrada ta 35 florin. Exito na tur e participantenan y na e comision organisador.
