Lady Kitty Spencer a haci su relacion cu e magnate di moda Michael Lewis publico. E sobrina di 28 aña di princesa Diana, a ser mira na Manhattan cu su pareha di 60 aña di edad. Algun dia prome, e pareha, cu tabata saliendo desde zomer, a ser mira saliendo di The Mark hotel na New York, e mesun lugar unda e dukesa di Sussex a celebra su baby shower na februari cu su amigonan celebre.
Michael, naci na South Africa, tin un balor di $100 miyon, ta divorcia y tata di tres yiu adulto. E rumornan di su romance cu Kitty a surgi pa prome biaha na augustus, sin embargo e pareha a mantene nan relacion den secreto te cu awor. Lady Kitty tabata prome den un relacion di 4 aña, cu e magnate Niccolo Barattieri(48) di San Pietro. Despues cu e romance a termina na 2017, Niccolo a sigui cu Liz Hurley, y te ainda nan ta hunto. Niccolo, cu ta biba den e vecindario rico di South Kensington na Londres, ta divorcia y ta comparti tres yiu cu su ex casa Sofía.
Desde cu nan romance a bira conoci ultimo zomer, Lady Kitty & Mr. Lewis a haci nan maximo esfuerso pa controla esaki. E beyesa aristocrata su tata, Earl Spencer, ta seis aña mas jong cu su pareha actual. Earl Spencer a separa na 1995 di mama di su yiunan, Victoria Lockwood. E pareha nan potret a ser saca mientras nan tabata keiro den e cayanan di Manhattan. Lady Kitty tabata bisti den un polo ros y carson colorido di Missoni mientras na su dede e tabatin un renchi impresionante bisti.
