E princesa di Noruega, Martha Louise, tabata casa durante 14 aña cu e escritor Ari Behn, cu e tin tres yiu; Maud, Emma y Leah. Ari a publica un buki hunto cu su casa, cu ta relata riba nan matrimonio real na 2002. E pareha a divorcia na 2017 y ta parce cu Marta Louise ta bibando den su gloria. El a anuncia recientemente ‘all out’ riba su instagram, su relacion cu Shaman Durek.

E ta mustra di ta hopi ilusiona cu su amor nobo. Rey Harald lo acepta e relacion aki manera el a haci tempo di Ari Behn, cu a dune bastante dolor di cabes pa ser un escritor polemico. Mescos cu Mette-Marit, e futuro reina y casa cu prins Haakon, cu tabata un muher divorcia, cu un yiu y un pasado controversial.

E di cuater den e linea di sucesion di trono di Noruega a nombra Durek como su ‘soul mate’ y a lansa un romantico declaracion di amor bisando, cu ora bo conoce bo alma gemela bo sa esey. E tin suerte di por a encontra di dje. Shaman Durek a cambia su biba manera e ta haci cu tanto hende. El a hacie realisa cu amor incondicional realmente ta existi riba e planeta aki.

Shaman Durek

Shaman Durek evolutionary innovator, spirit hacker, women’s empowerment leader, human rights activist

Shaman Durek riba su instagram el a post, cu el a pasa un tempo encantador con su “Goddess” princess Martha Louise na un matrimonio na Dinamarca. E ta super emociona pa nan tour pa diferente parti di Skandinavia cual ta un alegria. E ta bendiciona pa comparti amor cu tanto lidernan poderoso cu legacia, cu ta prepara pa haci avance- y cambionan grandi riba planeta Tera. Den otro post Shaman Durek ta skirbi cu e ta adora y honra princesa Martha Louise, cu e por yora den su brasa ora e ta tristo of por hari, cu e ta un muher fuerte cu ta lague ser su mes. E ta sintie liber ora e ta cu ne, liber pa ser su mes y e ta stima e muher cu ta un luz briyante di sabidura y gracia y cu un beyesa profundo.