By Tarita Riley

Aña 2018 tabata un aña di hopi looks, incluyendo tegels rustico, rose gold y oro y tambe marmer. Aunke basta diseño di 2018 ta sigui den 2019, otro sigur ta bira un ‘no no’.

Nos ta wak un shift di e colornan scur paden, pa color blanco y e colornan mas cla. Tambe hopi ta explorando e colornan mas “out-of-the-box”. Berde lo ta tur caminda den 2019, di berde color di yerbe pa emerald green pa e bunita tononan di teal. Esaki specialmente den sofa’s of e stoelnan di accento. Tambe uzo di mata di berdad of artificial sigur pa decora ta uza den tur area di interior. E palmanan ta trece bida den un espacio paden.

E murayanan di accento tambe ta un ‘must’ den e trend di 2019. Sea bo ta verf 1 muraya so un “bold color” of bo por laga pinta un bunita arte of bo por uza un material totalmente diferente riba e muraya manera panels di formica of 3D wall panels di PVC*. Tambe e uzo di wallpaper ta sigui den 2019, pero e aña aki nos ta wak e ta bin bek na tur muraya y no solamente na 1 muraya.

TIP: Tat Fat tin un surtido grandi di color di formica, cu no solamente por uza pa traha muebles, pero tambe por uza como accento riba un muraya.
Tambe nan tin un variedad di diferente ‘paintable models’ di 3D wall panels di PVC, cu ta hopi facil pa pega y asina crea un look moderno y diferente na bo cas.

Un cos cu sigur tambe nos ta wak mas y mas ta uzo di chandeliers moderno. No solamente den sala of comedor, manera nos ta custuma, pero tambe den camber y baño ta pone esakinan na lugar di e luznan plat na dak, cu usualmente ta uza. Specialmente e chandeliers di LED lo ta grandi e aña aki y otro aña. No solamente nan ta duna e look moderno, pero tambe nan ta duna hopi claridad.

Den cushina nos ta wak tambe e uzo di “two-toned” cabinets hopi. Por ehempel e uzo di e cashinan abou blanco of preto y e parti ariba un color di palo. Pa loke ta trata di cranchi y wasbak nos ta wak e uzo di matt black como un alternativa riba e stainless steel. Y poniendo un stoof di ful un color yamativo manera cora, lo duna un toke unico cu lo WAW bo bishitanan.

Dus sea bo ta renobando bo cas, trahando bo cas of simplemente kier redecora e interior, semper laga e color- y diseñonan cu bo scoge, refleha bo personalidad!

LEAVE A REPLY

Please enter your comment!
Please enter your name here