Esaki ta un di e festivalnan cu tur aña ta atrae su fanaticada pa su bon organisacion y bon ambiente ademas di e artisitanan cu ta haci nan presentanan. Diabierna anochi tur hende por a gosa di un tremendo comedy show presenta pa Deon Cole, Aida Rodriguez y e afritrion pa e anochi aki tabata Rudy Rush.
Diasabra e fiesta a sigui cu e up- and-coming artista H.E.R., sigui pa e conocido cantante soul, Mr. Charlie Wilson. Ambos artista a pone tur presente move riba un ritmo cautivante. Riba e anochi final e publico a wordo deleita cu un stage, show di luz y sonido musical excepcional ora cu e conocido artistanan; Ella Mai y John Legend a presenta pa cera e anochi final di Soul Beach Music Festival na un manera fabuloso. Soul Beach Music Festival ta tuma lugar tur aña durante e fin di siman di “Memorial Day weekend” unda un cantidad grandi di turista ta bishita Aruba pa disfruta di un experiencia unico. E expectativa sigur ta grandi pa otro aña pa e celebracion di 20 aniversario di SBMF.
