E yiu muhe di princesa Carolina de Monaco, Charlotte Casiraghi, a casa cu e productor di cine Dimitri Rassam, awe 1 di juni. E ceremonia civil a tuma lugar den e salanan estatal di e palacio real di Monaco, sigui pa un lunch priva. E novia a luci impresionante den su shimis brocado di Yves Saint Laurent, cu tres strik grandi e parti dilanti, cu a crea un estilo nupcial perfecto pa e fashionista di Monaco, cu por tabatin tur e casnan di diseño pa eligi su trahe.

E potret publica awe di e pareha na e cena di gala na e palacio La Vigie, cu Charlotte luciendo un coyar di diamante di Cartier di su wela, princesa Grace di Monaco

E pareha a ser introduci pa amigonan comun y a cuminsa sali cu otro for di 2016. Tur dos tin un yiu di un relacion anterior. Charlotte tin un yiu di 4 aña di edad, Raphael, cu su ex- Gad Elmaleh cu ta un actor y ‘stand-up comedian’. Na su turno Dimitri Rassam tabata casa cu e modelo, Maria Novoselova, y nan tin un yiu muhe hunto cu yama Daria cu tin 6 aña.  Charlotte (32) y Dimitri (37) a duna bon bini na nan  yiu  Balthazar na octuber 2018.  E pareha tabata planea pa casar zomer ultimo, pero a dicidi pa spera te despues di nacemento di nan yiu.

Mescos cu mayoria di e miembronan di e famia real di Monaco, incluyendo su rumannan Pierre y Andrea Casiraghi, Charlotte lo tin un segundo celebracion mas grandi despues. Segun informacion ricibi for di fuentenan, cu e matrimonio lo tuma lugar na Saint-Rémy-de-Provence, unda Charlotte a crece despues cu su tata a fayece.

LEAVE A REPLY

Please enter your comment!
Please enter your name here