![](https://focus.aw/wp-content/uploads/2019/06/Karyme-Acosta_image2j.jpeg)
Kiwanis Club of Aruba y New India Assurance a lansa e di 2 video di e proyecto di DNT TEXT & DRIVE awe mainta. E prome video a ser lansa den e luna di februari, cu Korpschef di Korpspolitie Aruba, Sr. Andrew Hoo. E presidente di Kiwanis Club of Aruba, Edalitza Weller, a elabora durante e conferencia di prensa, cu ya pa mas di 30 aña Kiwanis Club of Aruba tin su proyectonan di conscientisacion di siguridad den trafico na Aruba. E miembro di Kiwanis Club of Aruba y alabes “chair” di Traffic Awareness Committee, Jo-Anne Arends, a splica tocante e video como tambe Kaveri Raghunath Managing Director di New India Assurance.
E campaña di DNT TEXT & DRIVE cu a inicia na 2012 y cu a continua den diferente fase di conscientisacion unda e campaña a evoluciona cu e tecnologia te cu awe ta lansa e di dos video JOIN THE MOVEMENT. E prome video cu a ser estrena 1 di februari 2019 y awe cu e atleta di 12 aña, Karyme Acosta. E inspiracion pa e video cu Karyme ta pa conscientisa e automobilistanan riba nan responsabilidad como ciudadano. E consecuencia di nan comportacion iresponsabel den trafico no yega na kibra e soño di nos hoben atletanan. Conhuntamente nos por cuida nos futuro generacion.
![](https://focus.aw/wp-content/uploads/2019/06/Karyme-Acosta_2682j-1024x683.jpg)
![](https://focus.aw/wp-content/uploads/2019/06/Karyme-Acosta_image1j.jpeg)