PORTADA

E di seis edicion di revista FOCUS di e aña aki ta riba mercado, cu su portada ilustrando amor y romance cu Philip Merryweather & Tyara Werleman. Un bunita reportahe cu e potretnan di e momentonan mas emocionante riba dia di nan matrimonio, y por haya sa tambe detayenan unico cu nan a comparti cu e revista. Por corda algun aña pasa cu Philip tabata riba e portada di FOCUS y Tyara tambe tabata den e revista cu su prome Santa Comunion y cu su fiesta Quinceañera.

BJÖRN LAMPE

E ser humano ta experiencia hopi cambio, ora un baby nace y Björn no ta un excepcion. E ta conta con el a experiencia 28 di april riba e dia cu su baby Jaken a nace. Björn ta contesta e pregunta si e ta kere cu e tatanan awendia tin e mas dificil, mas facil of simplemente, diferente. Björn band’i su profesion como pastor, e ta dedica su mes hopi na agricultura y estudio riba medioambiente y sostenibilidad.

CAREER IQ

E presentadornan di Career IQ, Darice Solognier y Kareline Van Der Linden, tin un pasion pa crecemento y desaroyo personal. Nan tabata convenci cu tin hopi informacion of tip, cu nan por siña di nos hendenan riba e area di carera y desaroyo personal. Asina e idea a nace, pa haci esaki den un forma di Radio/Podcast show via radio Hits 100. FM y podcast.

MULLER

Tata y yiunan ‘Muller’ ta comparti e pasion pa trabou boluntario. Giantonio su pasion den organisacion social ta for di inicio di Rotaract Club y desde 2002 e ta miembro di Kiwanis Club of Aruba unda el a ocupa varios funcion importante den ambos club durante su trayectoria como boluntario. E morocho, Ethan y Keenan, tambe ta activo den organisacion social y tin nan tata como nan inspiracion sperando di por sigui su ehempel den futuro.

LARS STOLK

Un Ultra Triathlete, cu ta competi den e triatlonan extremo, manera e AlaskaMan y Patagonman Extreme Triathlons, ta conta con nan bida familiar a cambia desde 6 luna pasa, ora nan a adopta Irish. E ta relata e parti dramatico durante e careda, sin embargo nan a termina den 13 minuut ganando e ultimo Bestial Dog Walk presenta pa Purina Pro Plan. Esaki tabata un experiencia unico pa e atleta, cu ta preparando awor, pa su proximo XTRI na Iceland.