E beyesa Venezolano cu a conkista e corona di Miss Universe 1996, unda cu Aruba a keda como e prome finalista, ta den noticia atrobe pa un declaracion cu el a haci. En conexion cu e PRIDE Month tabatin un parada den e cayanan di West Hollywood , California pa celebra amor, amistad y inclusion. Den un entrevista cu ‘Suelta la Sopa’ , Alicia Machado a declara cu e tabatin varios ‘novia’ y igualmente el a bisa tambe con e gusta nan. E presentadornan di ‘Un Nuevo Dia’ a comenta cu mas bien esaki ta un ‘broma’ pa yama atencion conociendo e personalidad di Alicia Machado.
Alicia Machado tin actualmente 42 aña y tabatin e rol como Telma, den e pelicula He Matado a Mi Marido!, cu ta un pelicula cu tin su toke local cu Jo Henriquez como un di e productornan. Den e elenco internacional di estreya den e comedia dibertido aki, Alicia tabatin e rol di e tanta loco y actriz, cu ta e sensacion riba e rednan social.
