Naci na New York na 1924, Gloria Laura Morgan Vanderbilt, a crece na Francia. Su tata, e financiero Reginald Vanderbilt, e heredero di un fortuna di ferrocarril a muri ora e tabata un baby. E tabata memey di e bataya pa su custodia entre su mama y un ruman muher rico di su tata. Desde hopi jong e tabata e centro di atencion den media, y el a haya e nickname “the poor little rich girl”. Awe e icono y artista den e mundo di moda, Gloria Vanderbilt, ta muri na e edad di 95 aña di cancer.
Gloria su prome matrimonio tabata cu un agente di Hollywood, Pat DiCicco na 1941, tempo cu Vanderbilt tabatin 17 aña. Cu su 21 aña, el a tuma control di e trust fund di $ 4.3 miyon cu su tata a laga p’e. El a divorcia di DiCicco dos luna despues, el a casa bek rapidamente, e biaha aki cu e director di orkesta, Leopold Stokowski, cu tabatin 63 aña e momento ey, y cu e tabatin solamente tres siman cu el a conoce,
Cu Stokowski, el a inicia loke ta su pasion, cuminsando cu su obra di arte, cu el a exhibi pa prome biaha na 1948. Na 1954, el a haci su debut riba escenario na Pocono Playhouse. Gloria Vanderbilt a haya un otro caminda pa su creatividad e añanan siguiente. Haciendo uzo di su obra de arte como musa, el a produci diseñonan di moda y textil, cu a otorgue Neiman Marcus Fashion Award na 1969, prome cu a habri e porta pa un linea ‘ready-to-wear’ memey di e añanan setenta.
Cu e marca GV Ltd., el a bende miyones di jeans cu e logo di un zwaan. Segun su yiu Anderson Cooper, presentador di CCN, cu si bo tabata den e temporada di decada di 1980, ta bastante dificil pa no mira e jeans cu el a yuda crea, pero esey tabata su cara publico, cu el a siña di sconde como mucha. E mes como persona, ta mas fascinante y encantador, cu tur loke el a mustra na e publico.
