E di cinco Aruba Symphony Festival & Academy(ASF) ta tuma luga for di 17 pa 27 di juli proximo. ASF ta un fundacion ‘non-profit’, cu su fundador Simon Gollo, cu ta un artista reconoci. Simon ta un violinista, profesor y director di orkesta cu un trayectoria internacional. El a desaroya su carera riba escenarionan musical prestigioso rond di Europa, Sur America y Merca.
ASF ta contribuyendo den e desaroyo cultural na Aruba caminda mas di 100 musico di varios pais ta bin Aruba. Nan ta participa den varios seminario cu profesornan di diferente pais y alabes Aruba ta disfruta di conciertonan clasico di nivel excepcional.
E aña aki atrobe nos lo tin e oportunidad pa disfruta di e conciertonan encantador cu ASF lo trece pa pueblo di Aruba. Tin varios concierto gratis pa tur cu kier atende, cu ta un evento pa henter famia. Por haya mas detaye y informacion riba nan website www.arubasymphonyfestival.com of riba nan Facebook y Instagram page.
