Rey William Alexander y Rey Felipe a ricibi awe durante un ceremonia na Windsor e “Order of the Garter”, cu ta un distincion otorga personalmente pa Queen Elizabeth. Esaki ta pa honra tur esunnan cu a ocupa un cargo publico, cu a contribui na un manera particular na e bida nacional of cu a sirbi’e personalmente. E “Order of Garter” of na hulandes “Orde van de Kousenband” ta esun mas antiguo funda pa e monarca Eduard III dia 23 di april 1348, cu ta un distincion halto di e realesa britanico.
Durante e reunion special Reina Máxima y Reina Leticia tabata presente luciendo nan elegancia impecabel den compania di Dukesa di Cambridge, Dukesa di Cornwall y Condesa di Wessex. Maxima a luci impresionante cu un shimis roos cu faha y capa. Letizia su destreza sartorial cu un shimis di seda shinishi y blanco y un fascinator preto.
