Despues di 8 aña e banda “Earth Wind and Fire” ta bolbe Corsou cu su exitonan inolvidabel di añanan 70 manera; Fantasy, September, Boogie Wonderland, After The Love Has Gone y hopi mas. E piesanan aki ta fresco den memoria di esunnan cu un tempo tabata cana cu carson ‘bell bottem’ y sapato godfather.
Pa casi 50 aña e banda di Chicago ta pone fiesta riba escenarionan rond mundo cu un elenco musical di dies hende, un seccion di brass sin precedente y un combinacion di bos fantastico; mesclando nan estilo di pop, disco, soul y funk. Nan fundador Maurice White a fayece na 2016, pero tres otro miembro principal, e cantante Philip Bailey, e percusionista Ralph Johnson y e bahista Verdine White (ruman di Maurice) tey keto bay cu e banda alimentando e candela cu entusiasmo.
