Protest a tuma su inspiracion principal e aña aki pa su coleccion di homber, di un di e tendencianan mas impactante di e zomer aki, “Summertime Carnival”. Hasta e coleccion Dior 2019 a exhibi un ‘big-top’: Esaki ta un jamboree alegre di estilo pa tur e sentidonan. Protest a haci referencia na neon signs y tipografia estilo di circo. Enfocando riba e parti intenso di carnaval tambe cu: tattoo y luznan briyante.
Neon a inspira un grupo di diseño briyante riba basenan scur cu detayenan di neon cu ta combina. E serie aki yama ‘Gradient neon’ y ta presenta prints di palo di coco, formanan geometrico y strepi. Manera e t-shirt Collin y nan short pa beach Bogo. E ta un berdadero estilo di festival, cu un serie di diseño basa riba e clasico camisa hawaiana retro, un look cu ta lanta cabes cada zomer. Nan a combina print di blachi y flor cu tokenan dibertido. E short pa beach The Bonzo tin print di blachi tropical, cu un ‘hula dancer’ hinca den e mescla.
Finalmente, incorporando e filosofía clave di Protest cu ta pa semper ta cla pa nabega, nan a presenta e short “Nogo” cu ta super cool. Nan ta innova pa trece articulonan unico e temporada aki, y sigur lo encanta e idea pa tin un pida paña cu ta confortabel tanto pa sali casualmente como pa surf. Y loke ta top di e linea di Protest ta, cu nan ta seca super rapido, kiermen ora e olanan baha no lo stroba e surfista pa sinta chill na un bar riba beach.
