Lars Stolk, Ultra Triathlete, cu ta competi den e triatlonan extremo, manera e AlaskaMan y Patagonman Extreme Triathlons, ta conta con nan bida familiar a cambia desde 6 luna pasa, ora nan a adopta Irish. Irish ta un cacho crioyo cu hunto nan a logra gana e ultimo Bestial Dog Walk presenta pa Purina Pro Plan. E prome 400m tabata dramatico y Lars tabata kier a stop di core, pero despues Irish a focus riba e careda. Nan a termina den 13 minuut y tabata un experiencia unico pa e atleta, cu ta preparando awor, pa su proximo XTRI na Iceland.
Den revista FOCUS di e luna di juni tin e oportunidad (unda tin ainda obtenibel) pa lesa e interesante entrevista cu Lars Stolk. Con su famia tabata pidi pa adopta un cacho durante e ultimo dos añanan. Debi cu nan tabata hopi ocupa cu trabou y el a bisa nan cu ta importante pa cuida bo cacho y pa tin e tempo durante dia. Naci y cria na Hulanda, como un bon Hulandes, e ta wak un cacho como un miembro di famia, cu tambe merece ta stima, sin importa nada. Asina cu aña pasa, nan yiu Tiara, cu tabata boluntario na Aruba Animal Shelter, a invita nan pa bay e shelter pa tira un bista. Dicon ta net Irish nan a bay cas cu ne? Busca bo FOCUS y bo lo haya sa!
