Michael Jackson tabata y ta sigui ser e ‘Rey di Pop’ pa un motibo. Durante henter su carera, el a saca mas di 200+ tracks, diez studio albums, un album live, 34 album di compilacion y shete album remix. Incluso e tin mas di 180 cancion cu nunca a keda lansa. Thriller ta e album di Michael Jackson cu no ta solamente esun miho bendi rond mundo cu 47 miyon di copia. E tabata ocupa e prome luga na Merca te cu el a wordo destrona na 2018 pa The Eagles These Greatest Hits 1971-1975. Incluso cu su corona a ser kita na nivel nacional, su status internacional ta extremadamente impresionante teniendo na cuenta cu e album a sali mas di 30 aña pasa.
Thriller tabata casi pa 2 aña y mey riba Billboard su lista di album y cu un record di 37 siman riba e puesto No. 1, y tambe tabata e prome den historia di musica cu a pasa su prome 80 siman den e top zone. E cherry riba e bolo tabata cu e album a kibra mas record, ora el a bay cas cu ocho Grammy, di cual uno tabata pa ‘Record of the Year’. Anto sin lubida e video extraordinario cu a sali hunto cu e cancion.
Michael Jackson su 10 studio album ta inclui; Got to Be There y Ben lansa na 1972, Music & Me na 1973, Forever, Michael na 1975, Off the Wall na1979, Thriller na 1982, Bad na 1987, Dangerous na 1991, HIStory: Past, Present, and Future Book I, na 1995, y Invincible na 2001. Michael Jackson su prome hit No. 1 tabata Ben y el a continua lansando singles te na e decada di 1970. Michael Joseph Jackson ta ser considera como un di e figuranan cultural mas significativo di siglo 20 y un di e artistasnan mas grandi di tur tempo.
