St. Remy tabata un lugar hopi special durante e infancia di Charlotte Casiraghi door cu eynan ta unda su mama, princesa Carolina di Monaco, a refugia cu ne y su dos rumannan, Andrea y Pierre, despues di e morto tragico di su tata, Stefano Casiraghi, na october 1990. Kisas esaki tabata e motibo cu Charlotte a eligi e lugar aki pa su boda religioso cu Dimitri Rassam, cu ken el a casa pa civil dia 1 di juni na Monaco.
E lugar di e union tabata un sorpresa pa e invitadonan ya cu nan mester a topa na un punto den e pueblo di St. Remy na Sur di Francia, pa despues wordo traslada na Abbaye Sainte-Marie de Pierredon. E bruid a luci un shimis blanco cu ‘ruffle’ cu lo por ta di e diseñador italiano, Giambattista Valli. E invitadonan presente tabata Charlotte su omo, prins Albert II of Monaco, su mama princesa Carolina, su rumannan Andrea, Pierre, Alexandra y mama di e bruidegom, Carole Bouquet, un artista frances di renombre.
