Pa cinco aña consecutivo pa e luna di juli revista FOCUS ta highlight e temanan tocante; Salud, Beyesa y Bienestar. E biaha aki riba e portada ta ilustra e beyesa, Akisha Albert, cu a sali den Top 10 di Miss Universe 2018. Recientemente Akisha tabata na Aruba pa forma parti di e show di modelahe Sea Bunita, Sea Bo Mes, y pa haci un photo shooting y entrevista unicamente cu Revista FOCUS.
E euforia cu tanto Akisha Albert como su famia y henter Corsou a biba, na momento cu el a logra clasifica den e top 10 muhernan di mas bunita na mundo, durante e certamen di mas grandi den mundo di beyesa, Miss Universe 2018, ta un momento cu lo keda marca pa bida den curason di Akisha. For di e momento ey, Akisha a y ta hayando varios oferta local como internacional y loke mas Akisha ta disfruta di dje, ta e cariño di e hendenan, unda cu e bay. Den e entrevista cu FOCUS e ta conta con drasticamente su bida a cambia desde cu el a sali den Top 10 di Miss Universe. Busca bo revista y lesa e entrevista cu Akisha Albert.
