Despues di dos luna di anticipacion, finalmente e publico por a haya un bista real di Archie Harrison, e baby di prins Harry y Meghan Markle. E pareha a scoge pa lansa dos imagen di nan yiu, pa celebra su bautismo awe 6 di juli. E snapshots, ta riba nan Instagram y ta mustra e pareha sinta den e Green Drawing Room. E imagennan ta tuma pa e fotografo, Chris Allerton, e persona encarga pa saca e potretnan di bruid behind-the-scenes di Harry y Meghan, y tambe e potretnan di baby Archie dia cu el a ser presenta na e Reina.
Despues di e ceremonia, un portavoz di Royal Communications a bisa: “E Duke y Dukesa di Sussex ta encanta di comparti e felicidad di e dia aki, y ta desea di gradici tur hende rond di mundo pa nan apoyo continuo. Nan ta sinti asina afortunada di por a disfruta di e momento special aki cu e famia y e padrinonan di Archie”. Siguiendo e tradicion real, Archie a bisti e mesun replica Honiton cu su primonan; prins George, prinses Charlotte y prins Louis a batisa den dje. El bautismo tabata un encuentro intimo di menos di 25 persona den e kapel priva den Windsor Castle. Entre e invitadonan tabata prins Charles y su casa, Duchess of Cornwal, Duke y Dukesa di Cambridge, e mama di Meghan, Doria Ragland. E padrinonan di baby Archie, cual nan identidad no a ser revela tambe tabata presente.
