E aña aki por a mira un transformacion total den e apariencia di e estilista, Clyde Fuenmayor y e ta sintie awor den un solo palabra: magnifico! E ta lanta tur mainta 4:45 pa bay su rutina di ehercicio na gym y ta sintie energetico henter dia, pa atende su clientenan na ENVY by Clyde. For e estilista hoben cu a yega Aruba y pa e Clyde Fuenmayor awendia, por mira crecemento den tur sentido. Tanto emocional como ser humano y profesionalmente.

Clyde Fuenmayor den su entrevista cu revista FOCUS pa e edicion di juli, ta conta con el a yega Aruba 25 aña pasa y cu apesar di a confronta hopi ‘tropiezo’ na caminda, el a sigui dilanti pa logra su meta. El a sintie hopi biaha defrauda y ta bisa: “Ta den bo mes di tin e forsa y kere den bo mes y bisa cu si mi por!”. E estilista ta comparti tambe e motibo dicon e mester a tuma e decision pa haci un transformacion saludabel. Con el a siña kere den stima su mes y awo e ta aplica esey den su bida. Cu e ta totalmente feliz cu su estilo di bida nobo.

LEAVE A REPLY

Please enter your comment!
Please enter your name here