E hombernan infiel sa presenta un menor coeficiente intelectual, segun un investigacion di experto den psicologia evolutivo di Scol di Ciencia Economica di London, Satoshi Kanazawa.
Publica den e revista Social Psychology Quarterly, e specialista ta sostene cu fidelidad tin un relacion directo cu e intelecto of inteligencia, pero inversamente proporcional pa e hombernan infiel. Es decir, entre e casonan studia, entre mas tendencia pa engaña, menor coeficiente.
Den e sentido aki, ta splica cu e hombernan mas sabi tin menos aventura y ta duna mas importancia na e relacionnan stabiel, den comparacion cu esunnan cu ta posee un coeficiente intelectual abou. E hombernan inteligente ta mas propenso pa balora exclusividad sexual, segun Kanazawa, ken ademas a determina cu su estudio, cu e hombernan cu ta gaña nan casa of pareha de facto, tin menor coeficiente. Su estudio no solamente ta centra den fidelidad, sino cu ta abarca di manera amplio e coeficiente intelectual y con esaki ta relaciona y influencia pa e concepto- y actitudnan cotidiano, manera religion, relacion di pareha of idea politico.
