Aruba ta presente na El Salvador pa e certamen Miss Teen Americas, cu ta celebrando su 10 aniversario, bou guia di e conocido Francisco Cortez. Esaki ta di 8 biaha cu Aruba ta participa den e concurso aki, unda semper nos candidatanan a sa di destaca. E representantenan di Aruba cu a gana e concurso aki ta; Noelia Khalil (2011) y Chysah Verstappen (2014). Como Vi-Reina a keda na 3 ocasion; Thessaly Zimmerman (2013), Danna Garcia (2017) y Kiara Arends (2018). Aruba a keda na 2015 como Princesa de las Americas cu Isamea Solognier y na 2016 Hillary Gibbs a drenta den e Top 7.
E aña aki Aruba ta bon prepara cu Alviana Davina Arends, cu tin un amplio trayectoria den concursonan di beyesa. Sigur e ta bay duna lo maximo di dje pa representa nos hendenan tur cu tin. Tin un total di 14 candidata di entre otro: Venezuela, Curaçao, Paraguay, El Salvador, Peru, Republica Dominicana, USA, Brazil, Canada, Panama, Puerto Rico y mas. Alviana a biaha cu su mayornan, Nelkis y Alvin Arends, y tambe director di e concurso Tio George Winterdaal, cu a indica na FOCUS cu e ta super contento cu e trabou di Alviana. Cu nan tin un trabou basta pisa di lanta marduga pa haci cabey y make up, henter dia cu actividad y drumi laat, pero cu e apoyo cu e ta ricibi ta su motivacion mas grandi pa e sigui dilanti.
E competencia final mes ta diasabra awor dia 27 di juli na San Salvador. Mester menciona cu ya caba Alviana ta ser menciona den e top 6 di e concurso, pa e pagina cu ta sigui e concurso di cerca cu ta Spectacular Teen. Esey ta un señal cu e trabou di Alviana ya ta wordo nota y nos representante y su team ta gradici tur instancia y persona pa e support di semper!
TITULONAN CONKISTA
- Baby Model Aruba 2006
- Modelo Popular Aruba 2006
- Baby Model Aruba 2007
- Modelo Popular Aruba 2007
- Baby Model Internacional Aruba 2007
- Segunda finalista Festival del Talento y la Belleza Internacional
- Mini Universe Aruba 2007
- Best Costume – Mini Elegencia
- Flota Luhoso Carnaval Aruba 2007 (SN/ Playa)
- Best Child Model of the world 2008
- Best of the Best Child Model of the World 2009
- Best National Costume – Best Fashion Look – 2do Finalista Reina Infantil Carnaval 2011
- Pre Teen Model Aruba 2012
- Queen of the Queens International 2012
- Photogenic – Elegance – National Costume – 1st R-UP Reina Hubenil Carnaval 2013
