Den honor di su celebracion di 60 aniversario, Hilton Aruba Caribbean Resort & Casino, ta ofreciendo promocionnan atractivo diseña pa trece nos hendenan local na e hotel pa por lo menos un experiencia ameno, dentro di su “60 dia di celebracion”. E resort semper a hunga un rol importante den e comunidad y unda nan ta sigui ser e localidad preferí pa e celebracionnan unico manera; Santa Comunion, bruid y eventonan corporativo.
E clientenan ta invita pa explora e espectacular “Chef’s Collection Menu” y disfruta di un experiencia culinario inolvidabel sea den e dining room of riba e terasa di Sunset Grille, cu un paisahe impresionante di Palm Beach. E menu ta presenta platonan cu e ingredientenan di mas fresco, destacando e innovacion culinario tipico di e restaurant. Bendiciona cu un di e lugarnan mas unico y bunita riba e isla, Laguna Restaurant tambe ta invita famia- y amistadnan pa un ‘Full American Breakfast Buffet’, incluyendo champagna y mimosa. E delicioso evento aki ta diadomingo 25 di augustus, 2019 for di 7or di mainta pa 12:30 di merdia.
Si bo tin mester di poco tempo pa bo mes, Eforea Spa t’ey pa ofrece bo e asina yama ‘daycation experience’, cu acceso exclusivo pa e spa y tur facilidad di e hotel. Sin embargo e sorpresa di mas grandi ta e prijsnan di Eforea Spa, ofreciendo descuentonan grandi na honor di e hotel su celebracion aniversario. Incluyendo descuento di 50% riba tur tratamento ofreci. Pa mas informacion of pa book bo propio “daycation”, yama 526-6053.
