E aña aki Aruba ta un biaha mas hopi bon representa na e certamen di Miss International na Hapon. E beyesa encantadora di Daniela Piazzi, tin e honor di carga e sash di Aruba na November durante e prestigioso evento di beyesa aki. Daniela tabata 1st runner-up di Miss Teen Aruba 2015, unda el a representa su propio compania ‘Aruba Hostesses’, cu tabata duna servicio na diferente evento. Daniela semper tabata hopi madura pa su edad y el a cuminsa traha di hopi jong caba. El a siña cu no ta importa bo edad si bo kier logra algo.

Cu su 18 aña el a cuminsa cu su mesun show di 15 minuut,  ‘15 on 15’, na ATV unda el a percura pa tur diahuebs, e tin un segmento cu entrevista cu e hobennan na Aruba, cu tabata haci cosnan increibel y cu el a sinti cu no tabata haya e reconocimento. E show aki el a presenta durante 1 aña pa despues e sigui cu su estudio na Hulanda. El a keda eynan pa 1 aña y el a bay despues Thailandia unda el a biba pa 1 aña. Daniela for di chikito tabata muda hopi  y el a biba na Argentina, Ecuador, Colombia, Puerto Rico y Aruba. Semper e kier a explora y su siguiente destinacion tabata Merca door cu e nivel di estudio ta mas halto.

Daniela Piazzi su estudio ta den comunicacion y relacion internacional na Webster University. El a cuminsa den e club di debate di e scol y el a gana e premio nacional di debate na Merca. E ta campeon nacional di debate y su scol ta No. 5 di e pais, unda cada 2 siman e ekipo ta biaha pa haci debate cu otro scolnan di prestigio. Daniela ta e capitan di e team di debate y aunke e ta na Aruba den su preparacion, e ta keda den contacto pa motiva su team. E oportunidad pa representa Aruba den e certamen di Miss International 2019, el a tume man habri y e tin 4 luna caba ta preparando tanto físicamente como mentalmente, pa representa Aruba dignamente.  Exito Daniela!

LEAVE A REPLY

Please enter your comment!
Please enter your name here