Atraccion pa tattoo
Un estudio di Université de Bretagne-Sud na Francia, a revela respecto e comportacion sexual cu e hombernan ta mas propenso na acerca e muhernan cu tin un tattoo, cu esunnan cu no tin; ademas ta indica cu e homber ta hiba un promedio di 11 minuut menos pa acerca un muher cu tin su cuero graba. Esunnan cu ta pone tattoo, tin un mayor autoestima y siguridad den nan tumamento di decision, loke den pareha ta traduci na mayor confiansa y stabilidad.
Dicon ta mas atractivo cu tattoo?
Ora cu modifica nos fisico, nos ta uza cosmetico, tinte, joyeria, etc. Un tattoo ta un modificacion permanente, cu tambe ta asocia na e riesgonan di salud, si no tin e cuidadonan necesario of si tin algun inmunodeficiencia. Pues, si un tattoo ta haci propenso na infeccionnan, bacteria y transmision di cierto enfermedad, pero bo a logra mantene bo mes sano, e noticia ta cu esey ta haci dobelmente atractivo pa e sexo opuesto, segun e ciencia ta ‘e ley di mas fuerte’. E pareha ta deduci cu ta existi inmunocompetencia, loke riba largo plazo ta beneficia un relacion di pareha, papia di un bon higiena, bon tumamento di decision, siguridad y permanencia.
