Aña pasa, durante un periodo di cinco siman, e dokter di cas procedente di Amsterdam, Jeroen Stroucken, tabata na Aruba, pa train e empleadonan di tur e dokternan di cas cu e registracion adecuado den ‘Huisartsen Informatie Systeem’ (HIS). Den un entrevista haci pa Femke Berends, Jeroen a elabora riba e motibo dicon el a bin Aruba y kico tabata su tarea specifico. ITP Caribbean ta e compania cu ta fungi como comunicacion entre e proveedornan di HIS y e dokternan di cas, unda e compania a haci peticion na Jeroen pa bin duna e trainingnan di ADEPD. Recientemente ta hopi dokter di cas como tambe trahador a bin nobo acerca y e conocemento cerca varios di e otronan practicanan a debilita.
Jeroen Stroucken ta pa 26 aña dokter di cas na centro di salud di Venserpolder na Amsterdam, cu ta afilia na GAZO, un centro di salud na Amsterdam Zuidoost. Tres biaha pa siman e ta traha na su oficina y un dia pa siman e ta coordina e automatisacion di e centronan di salud, cu ta afilia na GAZO. Ademas Stroucken ta duna les un par di biaha pa aña na AMC na e studiantenan di ‘’Medische Informatiekunde’’ tocante con pa compila y registra data adecuadamente cu EPD (ADEPD). Den edicion di revista FOCUS di augustus por lesa e entrevista cu dokter Stroucken, unda el a elabora riba e diferencianan mas notabel entre e cuido medico di e dokternan di cas na Aruba y esunnan di Hulanda, pa loke ta trata e tereno di automatisacion. Tambe loke e dokternan di cas di Hulanda por siña di e coleganan di Aruba y e semehansa entre Aruba y Hulanda.
