Tin un otro boda real na horizonte y e biaha aki ta toca turno na princess Beatrice y Edoardo Mapelli Mozzi. E nieta di 31 aña di Reina Elizabeth, a anuncia su compromiso cu e magnate di propiedad multimiyorio. Despues di un romance hopi comenta, a anuncio oficial di e compromiso di princesa Beatrice y Mapelli Mozzi a sali awe! Den e declaracion di Buckingham Palace ta bisa, cu e Duke y Dukesa di York ta encanta di anuncia e compromiso di Alteza Real Princess Beatrice of York y Mr. Edoardo Mapelli Mozzi. Su Alteza Real y Mr. Mapelli Mozzi a compromete mientras cu nan tabata durante un fin di siman na Italia na comienso di e luna aki. E boda lo tuma lugar na 2020 y lo anunica mas detaye na su debido tempo.
Beatrice y Edoardo a bisa den un comunicado cu nan ta hopi contendo di por comparti e noticia di nan compromiso cu a tuma lugar recientemente. Ambos ta hopi emociona y ta embarca e aventura aki di nan bida hunto y no por warda pa nan casa. Cu nan ta comparti asina hopi interes y balornan similar, y nan sa cu esaki lo yuda nan den e proximo añanan, yena di amor y felicidad. E matrimoniuo di princess Beatrice ta di cuater ceremonia di matrimonio real den e ultimo añanan, despues di Duke y Dukesa di Sussex, Eugenie na 2018 y Lady Gabriella Windsor. E tres bodanan real aki a tuma lugar den St George’s Chapel na Windsor Castle, unda probablemente e ceremonia di Beatrice y Edoardo tambe lo ser realisa.
