Aruba Photo Room ta un espacio cu lo tin fotografonan contemporaneo di paisnan miembro di “Organization of American States (OAS)”, como tambe estadonan observador permanente. E exposicion lo ta habri for di diahuebs 24 di october 2019 te cu diahuebs 17 di januari 2020. E coleccion lo ser actualisa cada tres luna y ta habri pa publico gratuitamente.
The Art Museum of the Americas ta orguyoso di trece muestranan di su coleccion di fotografia contemporaneo pa Aruba pa prome biaha. E apertura di un serie di tres luna ta inicia cu Intimate Cartographies: An Approach to Interpersonal Relationships. Un exhibicion di artistanan destaca di e estadonan miembro di OAS; Argentina, Chile, Mexico y Italia cu ta un estado observador permanente di OAS.
The Art Museum of the Americas cu ta un organisacion di Estadonan Americano ta dedica na arte contemporaneo Latinoamericano y Caribense. Su obhetivo ta resalta e cuater pilarnan di OAS: democracia, derechonan humano, seguridad y desaroyo; a traves di artenan visual di su paisnan miembro y observadornan. E colaboracion cu Talk of the Town Hotel & Beach Club lo aumenta e alcance y mensahe di e coleccion y hibe na audiencianan nobo.
Photo credit: Rafa Cruz
Fotografo di e obranan: Giulia Iacolutti (Italia) – Carol Espindola (Mexico) – Eduardo Carrera (Mexico)
E tres imagennan ta saca na ‘Organization of American States F Street NW Building’ na Washington D.C.
