Si ainda bo no ta kere cu te aromatica no tin niun beneficio, bo ta kiboca. Parsley, banda di tin propiedad medicinal, tambe ta yuda baha peso!
Parsley pa baha peso
E ta diuretico, depurativo, elimina vet, disminui e gasnan, baha e nivel di colesterol malo y mantene e trigliceridonan bon…Impresionante!
Parsley por consumie den juice, por blend e cu mas berdura of bebe durante dia den forma di te y esaki ta specialmente bon.
Receta te di parsley:
• 250 ml di awa
• 1 stengel di parsley corta
• juice di un mitar lamunchi
Preparacion:
Pone awa herbe cu e stengel di parsley. Pag’e y lag’e reposa pa infusion pa 10 minuut. Agrega e lamunchi y sirbie. Por agrega un cuchara chikito di honing, si ta desea.
Bebe henter dia y por bebe friu of lauw. Corda cu e ta diuretico, pues bo lo bay baño mas sigui. Consumi awa simpel tambe, pa yuda desintoxica e curpa y no deshidrata.
