E actor di Bollywood Kushal Punjabi (42) a comete suicidio y el a wordo haya morto awe madruga pa su mayornan den su cas di Bandra, Mumbaina, India. Segun The Times di India a haya un nota di suicidio. E mayornan a bay na e edificio door cu e no tabata contesta nan yamadanan di telefoon. Segun un medio cu den su nota di suicidio Punjabi a skirbi cu niun hende mester wordo considera responsabel pa su morto y cu su propiedad mester wordo reparti entre su mayornan y su yiu, Kian di 3 aña y su ruman muhernan. Kushal Punjabi tabata conoci pa su peliculanan di Bollywood manera Lakshya (2004), Kaal (2005) y Salaam-E-Ishq (2007) cu el a protagoniza hunto cu Priyanka Chopra.
Ari Behn (47) cu ta e tata di e tres yiunan di prinses Martha Louise di Norwega, a muri debi na un suicidio, segun su manager a confirma den un comunicado na nomber di su famia: “Cu tristesa den nos curason, e parientenan mas cercano di Ari Behn, ta anuncia cu awe el a kita su bida”. E comunicado ta sigui bisa: “Nos ta pidi respet pa nos privacidad den e proximo dianan”. Den un comunicado e rey Harald a bisa: Cu gran tristesa e Reina y ami a ricibi e mensahe di e fayecimento di Ari Behn. Ari tabata un parti importante di nos famia durante hopi aña, y nos tin recuerdonan calido y bunita di dje. Nos ta agradeci di por a conoce”. E noticia di e morto di e ex-miembro di e famia real di Norwega tabata riba dia 25 di december.
