E actor Wilmer Valderrama a scoge e prome dia di Aña Nobo pa anuncia cu e ta comprometi cu su novia Amanda Pacheco, cu un potret riba su Instagram unda e ta sali na rudia riba un baranca dilanti lama, mientras e ta propone matrimonio na su chick. Su futuro esposa tambe a comparti e mesun imagen riba su profile, pero añadiendo uno mas unda por mira e renchi cu un diamante den forma di peer cu el a haya di Wilmer.
E proposicion a tuma lugar na San Diego apenas seis luna despues cu nan a ser mira hunto pa prome biaha, y mesora a cuminsa circula e rumornan cu tabata vincula nan sentimentalmente. E noticia cu e pareha ta planea pa bay altar a tuma algun fans di e actor di sorpresa mirando e manera con nan a reacciona den e comentarionan. Aparentemente algun ta haya e relacion nobo di Valderrama a evoluciona demasiado rapido, specialmente si compara esun cu su ex Demi Lovato, cu ken nunca el a yega na tuma un paso asina importante, a pesar cu nan a pasa mas cu cinco aña hunto. Lovato a expresa na varios ocasion cu e lo encanta cu su guy e tempo ey por pidi’e pa casa cu ne. Di otro banda e amistad estrecho cu ambos a sigui mantene despues cu nan a kibra nan relacion sentimental, a crea e speransa den nan fans cu un dia nan lo duna otro un oportunidad, algo cu awor a keda hopi cla cu no lo pasa mas.
