E invitacion pa asisti na un brindis pa Aña 2020 di parti di Divino na nan edificio na Eagle, manera tabata di spera cu ta yen di ambiente. E celebracion a inicia cu Grupo di Betico cu a presenta nan cancionnan popular y asina gusta den un ambiente hopi ‘cozy’ den e warehouse di Divino. E presencia di Jeon tabata cortico pero sigur un impacto total presentando e cancion “Gosa Bida!” hunto cu Grupo di Betico.
E representantenan di e companianan cu ta clientenan importante di Divino a disfruta di un anochi super agradabel specialmente dedica na nan. Prome cu a cera e anochi di celebracion a hiba palabra Kiume Tjonatsien, cu a yama su sales team dilanti pa gradici nan y nan a ricibi un fuerte aplauso. Despues a sigui e presentacion di ‘Edje ze willen sous’ cu a trece un repertorio varia cu a pone tur hende move riba su ritmo.
