Revista FOCUS ta habri aña cu un portada bunita y impresionante cu Sue-Ann Ras. Hopi hende tabata wardando ansiosamente un entrevista cu Sue-Ann, y sigur nan lo no keda defrauda cu tur locual cu e ta comparti tanto di su bida personal como profesional. E ta elabora extensamente di su trayectoria di traha 15 aña den mundo di enseñansa y su paso pa drenta politica.
Pa prome biaha Sue-Ann ta conta con el a atende internamente cu e situacion cu a presenta y decision pa sali for di Parlamento. Con el a deal cu tur e criticanan riba plataforma social despues di e ‘suceso’ di Netflix y su retiro subsecuente. Si e criticanan ricibi den su direccion a haci un efecto y kico el a siña di dje. Sue-Ann ta duna su contesta afirmativo si e lo keda activo politicamente. Den e parti personal e ta conta di su compromiso pa casa cu un persona cu ta traha den media, y con nan ta maneha bida priva y publico.
