Despues cu siman pasa e Dukenan di Sussex a anuncia nan separacion di Famia Real, y nan independencia economico den un comunicado riba nan Instagram, awe reina Elizabeth a convoca un reunion familiar na su residencia na Sandringham pa resolve e deseo di independencia di prins Harry y Meghan Markle, cu a ser batisa como “Megxit”. Reina Elizabeth a saca un declaracion despues di e reunion di e famia real, unda a forma parti e prinsnan; Charles, William y Harry, cu a finalisa despues di un discusion di dos ora y mey.

E declaracion ta bisa como lo siguiente: “Awe mi famia tabatin un discusion hopi constructivo riba e futuro di mi nieto y su famia. Mi famia y ami ta apoya completamente e desicion di Harry y Meghan di crea un bida nobo como un famia hoben. Aunke nos a prefera pa nan a permanece ‘full-time’ trahando como miembronan di Famia Real, nos ta respeta y compronde nan deseo pa biba un bida mas independiente como un famia mientras nan ta sigui siendo un parti valioso di nos famia. Harry y Meghan a mustra claramente cu nan no kier depende di e fondonan publico den nan bida nobo. Por lo tanto, a keda acorda cu lo tin un periodo di transicion den cual e Dukenan di Sussex ta pasa tempo entre Canada y Reino Uni. Esakinan ta asuntonan compleho pa mi famia resolve y tin mas trabou pa haci, pero mi a pidi pa yega na desicionnan final den proximo dianan.”

KI TA PASA CU NAN TITULO?

Tin posibilidad cu manera nan renuncia nan funcionnan publico, ta existi e posibilidad cu e reina ta retira nan titulonan nobiliario, situacion cu por afecta nan popularidad unabes cu nan perde. Den caso cu e asuntonan laboral di Meghan y Harry ta adapta na e agenda di Buckingham, den e reunion di awe a determina con lo sigui uza nan titulo, sin cu e ta parce un strategia di marketing.

LEAVE A REPLY

Please enter your comment!
Please enter your name here