Janella a inicia den e mundo di fitness spontaneamente atrabes di un concurso, cu e no a logra completa pero toch el a sigui cu su membrecia den e gym. Na principio e tabata mas un sugerencia pa e join un gym, pero na caminda el a namora y el a bira parti di su bida. E ta encanta train pa varios motibo y tur e diferente motibonan aki ta varia den cada etapa di su bida.
Tempo cu el a cuminsa train e tabata pa mantene un ritmo mientras e tempo cu e tabata studia afo, training tabata algo cu e ta haci apart di studia. Tempo cu el a drenta den e mundo corporativo cu su MBA den man, training tabata loke mas tabata dune trankilidad. Despues di su dos partonan esey ta loke e mester a haci pa yude perde algo di e peso, cu el a gana durante su embarasonan. Den poco tempo Janella a ripara cu traha tempo mester ta un prioridad, ya cu e mamanan semper ta pone nan mesun deseo- y necesidadnan un banda pa e yiunan y famia. Esaki no ta un tarea facil pasobra ta dificil pa kita tempo di e famia y sigui ser e miho pa nan bienestar. E unico forma ta acumulando forsa y realisa cu pa ser miho mayor, bo mester ‘lead by example’ y sinti bo bon tambe!
