Un di e hende muhernan cu ta ricibi tambe un homenahe como “E Muhernan Ehemplar” di Aruba ta, Merelitsa Croes, cu su storia lo motiva otro muhernan. Pa ser exacto 9 aña pasa Merelitsa a baha peso na un di e maneranan mas facil, esta cu cirugia estetico (lipoescultura), sin embargo den 6 luna el a bira dobel. El a subi tur e peso bek y hasta mas door cu e no a cambia su estilo di bida. Asina el a keda subi y baha durante algun aña cu tur e metodonan facil, manera hangua, pilder, shake, etc, etc… Na mei 2019, el a dicidi cu e kier haci un cambio, paso e no tabata contento cu loke e tabata wak den spiel.

Merelitsa e biaha aki a cambia su estilo di bida unda el a opta pa cuminsa haci ehercicio pa move su curpa. E mester gradici Fabricio Serrano cu a yude cu e por a baha 23 kilo den 10 luna. E tabata casi 90 kilo ora el a cuminsa train cu ne y el a yega te 67 kilo. Actualmente e tin 1 aña ta train den gym DFC cu su personal trainer Roy van der Biezen, cu ta yudand’e mas den e parti di tonificacion di su curpa.

E mensahe di Merelitsa: “Si bo no ta contento cu bo mes, busca un cambio, sea e ta pa bo salud, bo auto estima, of pa bo keda bunita den cualkier paña. Busca un cambio! Disciplina ta e yabi pa bo logra bo metanan! No tur dia mi ta lanta cu e motivacion pa bay gym, pero mi tin un disciplina asina grandi, cu mi ta lanta bay gym 5x pa siman 5am! Pa mi aworaki e no ta un sacrificio mas, sino un estilo di bida”.

LEAVE A REPLY

Please enter your comment!
Please enter your name here