Revista FOCUS pa su edicion di februari tin riba su portada Krish Mahtani y Queen-Anne ‘Queeny’ Bergen. Esaki ta un luna cu e tema cu ta highlight den e revista ta ‘amor’ en conexion cu Dia di San Valentino. Un pareha cu por defini sigur como un ‘power couple’, cu ta balansa otro y complementa otro pa nan yega nan metanan hunto. Den nan mesun manera nan ta e ‘driving force’ di otro. Krish y Queeny ta conta con nan a conoce otro y ki a haci nan encuentro special for di prome instante caba.
Cada un ta bisa ki ta haci nan unico den wowo di otro y ki ta e 5 ingredientenan principal den nan relacion. Cada un ta contesta kico nan ta gusta y no ta gusta di otro, nan cualidadnan, con nan ta describi un anochi romantico y nan plannan como pareha pa 2020. Un reportahe bunita pa e luna di februari cu un pareha hopi den ‘spotlight, cu ademas di ta forma un pareha ta traha hunto den Elite Productions. Krish Mahtani ta e Managing Director y Queeny Bergen ta e BPI & Marketing Manager den e compania.
