E obhetivo di “Exemplary Women of Aruba-The Event” ta pa duna homenahe na e hende muhernan actual, cu a demostra nan capacidad di por anda den diferente tarea di nan bida. E tareanan manera: profesional den nan respectivo trabou y den e parti personal como mama y esposa, ademas di nan cuido personal cu hopi disciplina. Muhernan cu lo ta portavoz di nan experiencia atraves di nan presencia magnifico riba escenario, maneho di nan curpa y nan mensahe cu ta wordo respalda pa un video di nan bida real. E inspiracion pa duna e homenahe aki na e Hende Muhernan Ehemplar ta Carlos Centeno, cu ta un artista Venezolano cu ta residencia na Aruba for di aña 1990. E evento ta tuma lugar awe nochi na Cage Night Club –Theater.
ELLEN KUSTER
Nos ta presenta awe e abogado Ellen Kuster, cu no ta un mensahe ta loke e kier comparti awe nochi, no: ““live, laugh, love” , e slogan of dicho popular aki pa biba, hari y stima ta manera e notanan skirbi riba un papel geel pega riba bo spiel den baño. Esaki ta un recordatorio pa wak e parti bon di cada situacion, pa realisa cu tur cos ta sosode na e momento corecto. Bo mester competi solamente cu bo mes ora bo wak tur e filternan di instagram cu ta simula na perfeccion ta trek bo abou. Un recordatorio cu ABO, si abo, ta un ehempel pa un otro persona eyfo… simplemente siendo bo mes … ¿y ki por bay malo cu esaki?
