En conexion cu e celebracion di nan 105 aña di existencia e aña aki, St. Dominicus College a dicidi pa participa den e Carnaval di Noord. Pa logra realisa esaki, Aruba Bank a yuda e studiantenan pa asina engrandece e Parada di Noord.
E institucion financiero cu ta celebrando nan di 95 aña di existencia ta yuda promove e participacion di e muchanan den e fiesta cultural di mas grandi aki na Aruba, pa asina nan por sigui cu e tradicion den futuro. Aruba Bank ta invita Aruba en general pa sigui yuda engrandece nos cultura, nos carnaval. Ta felicita tur grupo cu a participa y tambe e bandanan cu a haci posibel p’e muchanan disfruta di e parada di Noord.
