Bo tin gana di sigui como amigo? Of bo ex ta pidiendo bo pa brind’e bo amistad? Tene cuidou! Patras di e deseo aki, por tin un trastorno di personalidad…
Psicologo di Universidad di Oakland (Merca) a haci un estudio cu 861 voluntario, di cual a puntra nan si nan ta sostene un vinculo cu nan ex pareha como tambe e motibonan cu nan ta hacie. Ademas a pidi nan pa haci un test di personalidad narcisista y psicopata. Esaki door cu segun e specialistanan, cu e personanan cu sa mantene e relacion aki, ta djis pa obtene algun tipo di probecho, sea , sexo, apoyo, comodidad; entre otro.
En cuanto e narcicistanan, e investigadornan ta sostene cu e necesidad di sostene un amistad cu nan ex pareha, ta door cu nan kier satisface nan orguyo y no ‘perde’ ken nan a yeg’i stima.
Abo so sa, si bo ta dispuesto pa ta amiga di bo exnan. Berdad ta, cu mientras pa algun por ta positivo, pa otro e por resulta toxico. Cada ken ta liber pa dicidi.
Pa si acaso bo ta puntra bo mes, kico ta e prome cos cu un homber ta wak den un muhe, e specialistanan ta afirma cu no ta asina dificil pa predeci. Nan ta poco discreto, cu djis observando nan cuidadosamente, por percibi nan mirada.
Paul Dobransky, psikiatra y autor di The Secret Psychology of How We Fall in Love and The Power of Female Friendship, ta splica cu den e prome 5 minuut di conoce un muhe, ta e beyesa fisico ta loke ta atrae e hombernan.
1. Sonrisa
Ta un di e rasgonan cu e hombernan ta nota casi “inmediatamente” cerca un muhe. Ora muhe hari sinceramente y cu frecuencia, homber ta hay’e mas atractivo y accesibel, paso nan ta activa e señal di recompensa.
2. Wowo
Aunke no ta parce berdad, e wowonan ta refleho di alma y e hombernan sa esey (inconscientemente) y p’esey e ta un di e atributonan cu ta yama nan atencion. E mirada ta produci reaccion kimico y ta acelera e ritmo cardiaco. Si mantene e mirada fiho pa mas di 8,2 seconde, ta señal cu el a sucumbi pa e encantonan di e muhe, segun un investigacion publica den en Archives of Sexual Behavior.
3. Cabey
Un cabey largo y abundante ta atrae e hombernan, paso nan ta relacion’e cu salud, hubentud y fertilidad. E specialistanan ta splica cu cabey mas largo ta yuda disimula e rasgonan facial.
4. E Curvanan
E proporcion di e heupnan y cintura ta atrae e mirada di homber. Pa nan, e tipo di curpa aki ta sensual, simbolo di fertilidad y di bon salud en general.
5. Pecho
Aunke no necesariamente nan mester ta grandi, regularmente nan ta prefera esunnan di un tamaño discreto y bon forma.
6. Pia
Homber ta considera e pianan largo atractivo y sa scan esaki na prome bista.
