Ta un orguyo pa Tierra del Sol Resort & Golf invita comunidad di Aruba pa e prome experiencia gastronomico na Aruba: “Premium Casual Dining”. The Restaurant at Tierra del Sol ta completamente renoba cu un diseño nobo y espectacular. Un combinacion di e colornan trendy cu e mueblenan moderno, un terasa exterior extendi y un bar cu bunita bista di Aruba su Lama Caribe y nan Robert Trent Jones II golf course.
E “All-day” menu nobo na Tierra del Sol ta ofrece un variedad amplio di cuminda prepara maraviyosamente na e prijsnan familiar. Ya sea cu ta desea di disfruta di algun di nan platonan faborito of purba e menu nobo, siguramente lo bo tin un experiencia culinario maraviyoso na The Restaurant at Tierra del Sol. E menu su prijsnan ta varia for di $3 – $26 (Prijs familiar y cu un bista precioso).
E restaurant ta habri for di 10 A.M. – 4 P.M. riba dialuna, 10 A.M. – 10:00 P.M. diamars pa diasabra, y di 11A.M – 3 P.M. pa su popular gourmet Sunday Brunch. E prijs ta $49 p.p. incluyendo mimosa. Mucha te cu 12 aña ta $30.
Y pa e amantenan di e bebidanan special, e Happy Hour lo hiba nan na un nivel nobo di ambiente for di 6 P.M. – 7 P.M di diamars pa diasabra. Dollar ta bira florin. Por haci reservacion riba nan pagina di restaurant, via telefoon of via email.
Tel: (+297)586-7800
