E matrimonio forma pa e actornan Tom Hanks y Rita Wilson, a post un potret riba nan red social na Australia, unda nan ta den cuarentena despues di ser diagnostica cu COVID-19. Den e mensahe e pareha a afirma di ta bibando e periodo aki ‘one-day-at-a-time’. Cu tin cosnan cu nos tur por haci pa supera esaki y siguiendo e consehonan di e expertonan y pa cuida nos mes y otro hende.
Nan a gradici tur esunnan cu ta cuida nan hopi bon na Australia. “Nos tin COVID-19 y nos ta den aislamento, y nos no ta transmitiendo esaki na niun hende mas”, e actor a declara, cu e tabata na Australia pa prepara pa e filmacion di un pelicula riba Elvis Presley.
Di su banda, Rita Wilson a asisti na e programa di Today Extra, segun nan a splica den e espacio aki, e ekipo cu tabata den contacto estrecho cu e actriz a ser poni den cuarentena, entre nan e presentadornan. Wilson no tabatin sintomanan durante la grabacion. Tom Hanks su mensahe tabata acompaña pa un potret di e pareha, cu ta mustra cu nan ta relaha, bisti informal y cu un cap di baseball.
